粤语笑话：原来大家都系陋嘢

2014年10月22日

    刘野啱啱由内地嚟深圳做嘢。有一日，佢搭大巴上广州，一坐低，隔篱嗰位先生就用白话好大声咁同佢打招呼:“早晨！”

    刘野亦都用广州话答佢:“早晨！”

    嗰位先生又用白话问佢:“食咗饭未吖？”

    刘野答:“食咗。”刘野啱啱学识几句广州话，惊嗰位先生再问落去自己唔识答，于是乎就对嗰位先生讲:“早唞！”见嗰位先生面红红咁望住自己冇出声，刘野即刻眯埋眼诈谛谛休息。

    过冇几耐，嗰位先生拍咗一下刘野嘅膊头，用普通话问佢:“‘早唞’係乜嘢意思？”

    刘野卒之忍唔住笑，心谂，原来佢都只係识少少，大家都系陋嘢……