粤语笑话：香港报纸的“见光死”

2014年07月21日

    香港知名演员许冠文鬼马Talk show有噉嘅说法：

    香港嘅问题呢，就唔单只係出于政府喔，客观啲吖，其实我觉得传媒都占好大作用嘅。　　

    譬如报纸，以前啲报纸啊，见到你自己个名呢，你就光宗耀祖嘞；依家你喺报纸见到自己个名呢，就啫係你已经死咗噉解，依家就一定“见光死”，唔死嘅嘢就唔会见光嘅，一见到就已经死梗嘅嘞！　　

    好似上个礼拜，有个记者打电话比我，佢话：“Michale，我想问你一个题目，但係你未曾答呢，就已经死咗嘅嘞！真係唔好意思，因为见光死啊嘛，你知道我哋揾食咖啦。嗱，你有冇强奸你屋企个菲佣吖？最好你答有啦，噉我就卖多十万纸，如果你答冇呢，听日我就头条新闻写《许冠文否认强奸菲佣》，噉我就卖多二十万纸。”

    我话：“对唔住，我唔回应你呢个问题吖！”“噉就多谢晒添咯，听日我头条新闻就係《许冠文拒绝回应有否强奸菲佣》！噉就全世界都话‘噉就梗系有啦，如果冇啊，点会唔回应吖’。”

    我话“对唔住，早晨吖你！”“噉就冇得顶啦Michale，听日卖多五十万纸都得啦，听日嘅头条新闻就变咗《许冠文承认晨早强奸菲庸》！噉就个个都话‘梗係晨早啦，个老婆未起身吖嘛’！噉就卖多六十万纸。”

    我话：”你估我对付唔到你啊？我有个绝招啊，我用领会卢笑兰嘅冇厘头方法答复你，睇你死未？‘我买咗只鸡啫，都唔知佢几时生蛋噶！’”“哇，噉就更加冇得顶啦Michale，听日我头条新闻就会係《许冠文承认不单强奸菲佣，而且已经同佢生咗蛋嘞》。老老实实啦许生，我噉问你已经畀面你噶啦，如果唔係啊，我第一个题目就问你：‘请问你本周有冇同菲佣生蛋啊？’你梗係话冇啦，噉我听日头条就係《本周许冠文并冇同菲佣生蛋》，噉全世界就话‘噉就即係其它周周都有咯’！”